बैशाख १२ मा सुरक्षा पन्त ‘खेल’ खेल्न तयार

चलचित्रका आफ्ना पात्रमा विविधता दिन रुचाउने अभिनेत्री सुरक्षा पन्तको नयाँ चलचित्र ‘खेल’ को रिलिज मिति तय गरिएको छ । आइतबार चलचित्रको फर्स्टलुक पोस्टर सार्वजनिक गर्दै बैशाख १२ गते रिलिज मिति तय गरिएको छ। सार्वजनिक पोष्टरमा सुरक्षालाइ केन्द्रमा राखिएको छ। पोस्टरको पृष्ठभूमिमा देखिएको पाँच कोणीय ताराले चलचित्र रहस्य, डर र थ्रिलर विधासँग सम्बन्धित रहेको देखाउँछ । पोस्टरमा तीन युवतीहरु पनि चित्रित छन्, जो कलेज ड्रेसमा छन् । यसले कलेज जीवनका किशोरीको कथा चलचित्रले भन्ने बुझ्न सकिन्छ ।

बलिउडका दर्जन बढी फिल्ममा सह-निर्देशन गरेका अनुराग प्रधान र नेपालमा लामो समयदेखि सह-निर्देशकको रूपमा कार्यरत आस्था श्रेष्ठको संयुक्त निर्देशन रहेको चलचित्रमा हेना नगरकोटी, मोनिका थापा, समापिका गौतम, निकिता आचार्य, भोलाराज सापकोटा, मिथिला शर्मा, सरिता गिरी, किरण श्रेष्ठ, सुहानी खड्का, भवन घिमिरे, सुजन घिमिरे लगायतको पनि अभिनय छ ।

सिरुपाते फिल्म्सले निर्माण गरेको चलचित्रको निर्माता आशिषराज महर्जन तथा सह-निर्माताहरू कुनालराज गुरुङ र रहिशराज महर्जन र कार्यकारी निर्माता लुइसराज महर्जन रहेका छन्।