सलोनको ‘रंगी’ पहिलो गीत: दुर्गेशको संगीतमा कस्तो छ दर्शक प्रतिक्रिया?

सान्भी इन्टरटेनमेन्ट प्रालिको व्यानरमा निर्माण चलचित्र ‘रंगी’ को पहिलो गीत सार्वजनिक भएको छ। आनन्द कार्की र सुजता केसीको स्वर रहेको गीत ‘छ भने माया’ मा दुर्गेश थापाको शब्द र संगीत रहेको छ। गीतको भिडियोमा चलचित्रका प्रमुख कलाकारहरु सलोन बस्नेत, नम्रता श्रेष्ठ, दिलीप रायमाझी, आयुषी ढकाल, विशाल पहारी र उत्तम केसी फिचर्ड छन् ।

डान्सिङ नम्बरको गीतमा कोरियोग्राफर कविराज गहतराजले कलाकरलाई नचाएका छन्। सक्षम सुवेदी, करिश्मा केसी बस्नेत र अनिश गौतमको निर्माण रहेको चलचित्र लाई सुरेश न्यौपानेले निर्देशन गरेका छन्। चलचित्रमा सहायक निर्देशक हुँदै निर्देशनमा होमिएका सुरेशको यो डेव्यु निर्देशकीय चलचित्र हो।

चलचित्रमा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, आनन्द कार्की, आमेश भण्डारी, भीम बिसी, समीक्षा अधिकारी र सुजता केसीको स्वर, दुर्गेश थापा, आमेश भण्डारी र भीम बिसीको शब्द, कविराज गहतराज र शिशिर खातीको कोरियोग्राफी रहेको छ। आइतबार सार्वजनिक भएको गीतले दर्शकको राम्रो प्रतिक्रिया पाइरहेको छ ।