विपिन र बर्षाको ‘तेल भिषा’ प्रदर्शनको ५१ औं दिन पुरा

शंकर घिमिरे को निर्देशन र ऋचा घिमिरेको निर्माणमा तयार भएको चलचित्र ‘तेल भिसा’ ले प्रदर्शनको ५१ औ दिन पार गरेको छ । मङ्सिर ७ गतेबाट रिलिज भएको चलचित्रले क्यूएफएक्स, एफक्यूब, रञ्जना सिनेप्लेक्स, बीएसआर मुभिज, वान सिनेमाज्, डीम्याक्स सिनेमाज्, फ्रेन्ड्स सिनेमाज्, सिने रोयल लगायतका हलमा ५१ दिन मनाएको हो । यो बर्ष नेपाली चलचित्र क्षेत्रका लागी सुखद बनेको छ।

केहि चलचित्रले ५१ दिनको आंकडा पार गरेका छन् भने केहिले आकर्षक व्यापार गरेका छन्। यो बर्ष ‘बोक्सीको घर’, ‘घर ज्वाइँ’, ‘१२ गाउँ’, ‘पूर्ण बहादुरको सारङ्गी’ ले ५१ दिन पार गरेका थिए । यो लिष्टमा चलचित्र ‘तेल भिसा’ पनि थपिएको हो। रिलिज लगत्तै ‘पुष्पा २’ को कारण शो खुम्चिएको चलचित्रले विस्तारै आफ्नो ले पकडेको थियो। चलचित्रले शो बढाउदै लग्यो र प्रदर्शनको ५१ औं दिन पार गर्न सफल भयो।

चलचित्रमा विपिन कार्की, वर्षा राउत, पुजा चन्द, ऋचा घिमिरे, वुद्दि तामाङ लगायतका कलाकारहरुको अभिनय छ । कलाकारलाई महँगो रकम तिरिएको र अमेरिका, नेपालमा खिचिएको चलचित्रले कति कलेक्सन गर्यो भने आंकडा निर्माण टिमले खुलाएको छैन।