‘बलिदान’ सेटमा समिर भट्टको यस्तो लुक्स

सन्तोष शेनको बहुप्रतिक्षित चलचित्र ‘बलिदान’ को सुटिङ्ग धमाधम चलिरहेको छ। सन्तोषको नै निर्माण र निर्देशनमा तयार भैरहेको चलचित्रमा समिर भट्ट मुख्य भूमिकामा रहेका छन्। अभिनेता सौगात मल्ल, ऋचा शर्मा लगायत कलाकार चलचित्रमा रहेका छन् ।

यो चलचित्रको अन्तिम चरणको छायांकनमा टिम जुटेको छ। ४२ फिट अग्लो काली माताको मुर्ति तयार पारेर धमाधम चलचित्र सुटिङ्ग निर्माण टिमले गरिरहेको छ।

बलिदान सेटबाट बाहिरिएका तस्विरमा अभिनेता समिर भट्ट पुजा गर्दै सुटिङ्गमा देखिएका छन्। वलिदानको रिलिज मिति अहिलेसम्म सार्वजनिक गरिएको छैन ।

सुटिङ्ग सकिए लगत्तै चलचित्रको टिजर सार्वजनिक गर्दै रिलिज मिति सार्वजनिक गर्ने तयारीमा चलचित्रको टिम रहेको छ। आसुशेन फिल्म्सको निर्माणमा तयार भैरहेको चलचित्रको निर्मातामा पवन विष्ट, सह-निर्मातामा प्रेम पुरी रहेका छन् ।