प्रकाश र स्वस्तिमाको ‘वसन्त’ पहिलो गीत ‘साँझ पर्यो झमक्क’ (भिडियो)

गायक हुँदै नायक र चलचित्र निर्देशनमा होमिएका प्रकाश सपुतको पहिलो निर्देशकीय चलचित्र ‘वसन्त’ को पहिलो गीत सार्वजनिक भएको छ। लोक लयमा आधारित रहेको ‘साँझ पर्यो झमक्क’ बोलको गीतमा प्रकाश सपुत र शान्ति श्री परियारको आवाज रहेको छ।

गीतमा प्रकाशको नै शब्द संगीत रहेको छ। चलचित्रका प्रमुख कलाकारले अभिनय गरेको गीतको भिडियोमा मौशम हिमालीको कोरियोग्राफी रहेको छ। मौशमले गीतको भिडियोमा आकर्षक कोरियोग्राफी गरेका छन्। भिडियोमा प्रकास सपुत, स्वस्तिमा खड्का, प्रभात पल ठकुरी, खड्क बहादुर पुन लगायतका कलाकार फिचर रहेका छन्।

गलबन्दी प्रोडक्सनको व्यानरमा तयार भएको चलचित्रमा मोहन विश्वकर्मा र बिन्दु बोहोरा निर्माताको रुपमा रहेका छन् । अनुरोध भट्टराई, नाना थकाली र विरेन्द्र नारायण श्रेष्ठ कार्यकारी निर्माता रहेको चलचित्रको मुख्य सहायक निर्देशक सुनिल बिक रहेका छन्। चलचित्र चैत्र २२ गतेबाट रिलिज हुँदैछ।