६ महिनापछि हलमा दयाको चलचित्र, ‘कार्साङ्ग’ को कस्तो छ अकुपेन्सी?

यम शेर्पाको निर्देशनमा तयार भएको चलचित्र ‘कार्साङ’ पौष २६ गते शुक्रबारबाट रिलिज भएको छ । शेर्पा संस्कृतिको कथामा निर्माण भएको चलचित्रमा दयाहाङ राई, सिर्जना निङलेखु, जितु नेपाल, दीया मास्के, बुद्धि तामाङ, सृष्टि गौतम, डोमा ह्योल्मो, सुरवीर पण्डित लगायतको अभिनय रहेको छ।

अभाव र दुःखसँग जुधिरहेको एक परिवारले आफ्नो संस्कार जोगाउन गरेको संघर्षको कथा बोलेको चलचित्रमा दयाहाङ राई शेर्पा समुदायको झाँक्रीको भूमिकामा छन् । विहानीका केहि शोमा दर्शकको राम्रो उपस्थिति रहेको छ । वर्ड अफ माउथ राम्रो भएमा चलचित्रले राम्रो व्यापार गर्ने अपेक्षा छ । चलचित्रको निर्माता पुरुषोत्तम प्रधान रहेका छन्। उनि यो चलचित्रको छायाँकार पनि हुन्।

दयाहाङ करिव ६ महिनाको ग्यापपछि हलमा आउदैछन्। उनको पछिल्लो रिलिज चलचित्र ‘घरज्वाई’ असार २८ मा प्रदर्शनमा आएको थियो। लगातार चलचित्र रिलिज हुने दयाको नयाँ चलचित्रको ट्रेलर र गीत दर्शकले रुचाएका छन्।