मुख्य कलाकार समेट्दै ‘होटेल ३’ नयाँ पोष्टर रिलिज

नेपाली चलचित्रमा सफल शृंखलाको रुपमा रहेको छ ‘होस्टेल’। यो चलचित्रका दुई शृंखला सफल भैसकेका छन् र अहिले यहि चलचित्रबाट डेव्यु गरेका कलाकार स्थापित रहेर काम गरिरहेका छन्। यहि चलचित्रको तेश्रो शृंखला ‘होटेल ३’ फागुन २३ गतेबाट रिलिज हुँदैछ। यो पटक पनि यो सिरिजबाट नयाँ कलाकारले डेव्यु गर्दैछन्। यो पटक सामाजिक संजालमा चर्चित रहेका मुहारहरुलाई प्रस्तुत गरिएको छ ।

चलचित्रको दोश्रो पोष्टर निर्माण टिमले सार्वजनिक गरेको छ। पोष्टरमा चलचित्रका प्रमुख सवै कलाकारलाई स्थान दिईएको छ। पहिलो पोष्टरमा चलचित्रका प्रमुख चार पुरुष कलाकार फिचर रहेका थिए। नयाँ पोष्टरमा भने चलचित्रका तीन अभिनेत्रीलाइ पनि प्रस्तुत गरिएको छ। आशिष घिमिरे, पारस बम (कुलब्वाई), रिहान गिरि, पदम तामाङ, सिम्रन पन्त, हेना नगरकोटी, र समा पराजुलीलाई पोष्टरमा राखिएको छ ।

‘होस्टेल ३’ ले क्याम्पस जीवनका सङ्घर्ष, मित्रता, र रमाइलो क्षणहरूको कथा समेट्ने अपेक्षा गरिएको छ । यो चलचित्र नेपाल रिलिज मितिमा नै अन्य विभिन्न देशहरूमा पनि प्रदर्शनमा आउने तयारी छ ।

चलचित्रको निर्देशन सशान कँडेलले गरेका हुन् भने स्क्रिप्ट माधव शर्माले लेखेका छन् । कथा निर्देशक कँडेलकै हो । सम्मान इन्टरटेनमेन्टले आरोन कन फिल्म्ससँगको सहकार्यमा निर्माण गरेको चलचित्रका निर्माताहरू सुरेश कँडेल, कर्ण कार्की र गोविन्द अधिकारी तथा कार्यकारी निर्माता शङ्कर कोइराला हुन् । चलचित्रमा उमर खान, सन्तोष बानियाँ, रोहन श्रेष्ठ, आशिष् पुरुष लगायतका कलाकारहरूको पनि अभिनय रहेको छ ।