नाजिर र सृष्टिको ‘मिसिङः केटी हराएको सूचना’को दोस्रो ट्रेलर भित्र के छ ?

अभिनेता नाजिर हुसेन र अभिनेत्री सृष्टि श्रेष्ठ प्रमुख भूमिकामा रहेको चलचित्र ‘मिसिङः केटी हराएको सूचना’को दोस्रो ट्रेलर सार्वजनिक गरिएको छ । रिलिज मिति नजिकिदै गर्दा चलचित्रको प्रमोशनको लागि केहि दिन अगाडी एक गीत सार्वजनिक गरिएको थियो। गीत रिलिज लगतै निर्माण टिमले दोश्रो ट्रेलर सार्वजनिक गरेको हो। पहिलो ट्रेलरले दर्शकबाट सकारात्मक प्रतिक्रिया पाएको थियो। ट्रेलरले फरक पृष्ठभूमि र भूगोलका दुई पात्रबीचको मित्रता र उनीहरुको सम्बन्धमा आउने उतारचढावको कथालाई रोचक ढंगले पेश गरेको छ ।

३२ वर्षअघिको चर्चित डकु-ड्रामा ‘उजेली’का निर्देशक दीपेन्द्र गौचनको पहिलो निर्देशकीय फिचर फिल्म ‘मिसिङः केटी हराएको सूचना’को दोस्रो ट्रेलर सार्वजनिक गरिएको छ । ‘सपनीमा’ गीतको सानो अंश समेत समावेश ५ मिनेटभन्दा लामो ट्रेलरले फरक पृष्ठभूमि र भूगोलका दुई पात्रबीचको मित्रता र उनीहरुको सम्बन्धमा आउने उतारचढावको कथालाई रोचक ढंगले पेश गरेको छ ।

माघ ११ गतेबाट प्रदर्शनमा आउने तयारीमा रहेको चलचित्रलाई दीपेन्द्र गौचनले निर्देशन गरेका छन्। ३२ वर्षअघिको चर्चित डकु-ड्रामा ‘उजेली’ का निर्देशक गौचनले निर्देशन गरेको यो पहिलो फिचर चलचित्र हो। यो चलचित्रमा नाजिर र सृष्टिसहित सञ्जय गुप्ता, रिना रिमाल, मदन ठाकुर, कौशल्या ठाकुर, रामनारायण ठाकुर, ललितादेवी मिश्र, रुपेश मण्डल, सुदीप पटेल, मनोज शाह लगायतको अभिनय छ ।

निर्देशक गौचन स्वयंको लेखन तथा निर्माण छ रहेको चलचित्रमा नकिम उद्दिन कार्यकारी निर्माता रहेका छन् । चलचित्रमा अमर महर्जनको डीओपी, निमेष श्रेष्ठको सम्पादन, शंकर महर्जनको द्वन्द्व, दीपेन्द्र गौचन, प्रवेश मल्लिक र करुण थापाको संगीत, दीपेन्द्र गौचन, अमितेष शाह, करुण थापाको शब्द, सितुसित बस्नेत, रोहित जोन क्षेत्री, प्रवेश मलिक, नेहा प्रियदर्शनी, करण परियार र इन्दिरा जोशीको स्वर, रामजी लामिछाने र राजीव कर्णको कोरियोग्राफी छ ।