युवराज चौलागाईको ‘सिरफूले माया’ सार्वजनिक

गायक युवराज चौलागाई नयाँ गीत ‘सिरफूले माया’ सार्वजनिक भएको छ । लोक आधुनिक शैलीमा तयार गीतले प्रेमकथा ब्यक्त गर्छ । राजकुमार बगरको शब्द, संगीत रहेको गीतमा युवराजलाई गायिका अनुष्का पाठकले स्वरमा साथ दिएकी छन् ।

सान थापा निर्देशित गीतको भिडियोमा युवराज सहित प्रभात पल ठकुरी, विजय पुन, अञ्जली अधिकारी, सुशिल थापा र अनुष्काको अभिनय छ । भिडियोमा राजीव समरको नृत्य निर्देशन छ । बुद्ध थापाको छायांकन, विवेक सुनुवारको सम्पादन भिडियोमा रहेको छ।