आना र दिव्याको दोहोरो प्रेममा प्रदिप

मल्टिस्टारर चलचित्र ‘एक्टर : टेक वान’ माघ १६ गतेबाट रिलिज हुँदैछ। शहिद दिवसको अवसर पारेर बुधबार रिलिज हुन् लागेको चलचित्रले १७ गते बिहिबार सोनाम लोत्साहरको बिदा पाउनेछ। राजन भुषालको निर्देशनमा तयार भएको चलचित्र कलाकारका कारण नै प्रतिक्षित रहेको छ।

पोष्टर रिलिज देखि नै चर्चा पाउदै आएको चलचित्रमा समावेश नयाँ गीत सार्वजनिक भएको छ। हर्कुलस बस्नेत र इन्दिरा जोशीले आवाज दिएको ‘के भरोसा गरम’ बोलको रोमान्टिक गीतमा उर्मिला गुरुङको शब्द र हर्कुलस बस्नेतको संगीत छ। त्रिकोणात्मक प्रेम सम्बन्धलाई देखाइएको गीतको भिडियोमा अभिनेता प्रदिप खड्का अभिनेत्रीद्वय आना शर्मा र दिव्या रायमाझीको प्रेममा रहेका छन्।

किरण थापाको कोरियोग्राफी रहेको गीतको भिडियो आकर्षक बनेको छ। प्रदिपलाई दुइ भिन्न रुपमा भिडियोमा प्रस्तुत गरिएको छ, यसले चलचित्रमा उनि दोहोरो भूमिकामा रहेको अनुमान गर्न सकिन्छ । चलचित्रमा राजबल्लभ कोइराला, दिव्यदेव, उषा रजक, सृजना अधिकारी, सुशील सिटौला लगायतको पनि अभिनय रहेको छ । राजबल्लभ करिब १० बर्षपछि यहि चलचित्र मार्फत कमब्याक गर्दैछन्। थमन कुमार भण्डारीको निर्माण रहेको चलचित्रमा अनिश भुषाल सह- निर्माताको रुपमा रहेका छन्। आकाश बराल र निर्देशक भुषालको लेखन रहेको चलचित्रमा नरेन्द्र मैनालीको छायांकन रहेको छ।

निर्देशक भुसाल र आकाश बरालको लेखन रहेको फिल्ममा राजबल्लभ कोइराला, दिव्यदेव, उषा रजक, सृजना अधिकारी, सुशील सिटौलालगायतको पनि अभिनय छ । राजबल्लभले यही फिल्मबाट करिब १० वर्षपछि कमब्याक गरेका हुन् । दिव्याको भने यो डेब्यु फिल्म हो । नरेन्द्र मैनालीको छायांकन रहेको फिल्मका निर्माता थमन कुमार भण्डारी तथा सह-निर्माता अनीश भुसाल हुन् ।