‘पूजा, सर : राजागञ्ज’ पोष्टर, निकिता देखि विजयसम्म, चैत्रमा रिलिज तयारी

निर्देशक दिपक रौनियारको चलचित्र निर्देशनमा उच्च स्थान रहेको छ। आफ्ना चलचित्रलाई अन्तराष्ट्रिय बजारमा पुर्याउन सफल र चर्चा कमाउन सफल रौनिया को नयाँ चलचित्र ‘पूजा, सर : राजागञ्ज’ आगामी चैत १ गतेबाट प्रदर्शनमा आउँदैछ ।

थुप्रै अन्तर्राष्ट्रिय फेस्टिभलहरुमा स्क्रिनिङ भइसकेको चलचित्रले गत भदौमा विश्वप्रसिद्ध भेनिस फिल्म फेस्टिभलको वर्ल्ड प्रिमियरमा १० मिनेट लामो ‘स्ट्यान्डिङ ओभेसन’ पाएको थियो । यहि चलचित्र घरेलु बक्स अफिसको रिलिज तयारी हुँदै गर्दा निर्माण टिमले नयाँ पोष्टर सार्वजनिक गरेको छ । सार्वजनिक पोष्टरमा चलचित्रमा प्रमुख चार कलाकर फिचर रहेका छन्।

दयाहाङ राई, आशा मगराती, विजय बराल र निकिता चाण्डक पोष्टरमा चित्रित छन् । दयाहाङ एसपीको पोशाकमा देखिएका छन् । चलचित्रमा ऋचा शर्मा, गौमाया गुरुङ, पशुपति राई, पुष्पा यादव, धनश्याम मिश्र, निरज श्रेष्ठ लगायतको पनि अभिनय छ । भारतका प्रसिद्ध निर्देशक अनुराग कश्यप कार्यकारी निर्माताको रुपमा जोडिएको चलचित्र फ्रान्स, जर्मनी, स्विजरल्यान्ड, बेलायत, आयरल्यान्ड जस्ता देशका लागि महंगो मूल्यमा प्रदर्शन अधिकार बिक्री भइसकेको छ । चलचित्रको निर्मातामा निर्देशक रौनियार सहित आशा मगराती, रामबाबु गुरुङ र अलन आर. मिलिगन रहेका छन् ।