‘मायाबी’ गीत: पल र दिपिकाको रोमान्स

पल शाह र दिपिका प्रसाई मुख्य भूमिकामा रहेको चलचित्र ‘मायाबी’ को पहिलो गीत सार्वजनिक भएको छ। एसडी योगी र सदीक्षा कट्टेलको स्वर रहेको रोमान्टिक गीत ‘त्यो माया हो’ सार्वजनिक भएको हो। गीतमा राम अविरल बिष्टको शब्द र गायक एसडी योगीकै संगीत छ ।

फागुन १४ गतेबाट रिलिज तयारीमा रहेको चलचित्रमा दिवाकर भट्टराइको कथा, लेखन तथा निर्देशन छ। भिडियोमा कविराज गहतराजको कोरियोग्राफी रहेको छ। ध्रुव न्यौपाने, राज कटुवाल र चन्द्र पन्तको लगानी रहेको चलचित्रमा प्रविण भट्टराई र करण सिंह कार्यकारी निर्माता रहेका छन् ।

चलचित्रमा पल र दीपिकाको साथमा प्रशान्त ताम्राकार, सुशिल सिटौला, करिश्मा श्रेष्ठ, लक्ष्मी गिरी, अञ्सु महर्जन, राजाराम पौडेल, रवि डंगोल, राम प्रसाई, दीपेन्द्र सिम्खडा, संगीता सिलवालको अभिनय छ । लामो समयबाट लभ स्टोरी चलचित्रको पर्खाइमा रहेका दर्शकको पर्खाइ मायावीले पुरा गर्ने निर्देशक भट्टराईको विश्वास रहेको छ।