‘कुस्ती’ मा धिरज र मिरुनाको जोडी, भदौमा रिलिज तय

धिरज मगर र मिरुना मगर पछिल्लो समय चर्चा र सफलतामा रहेका कलाकार हुन्। यो जोडीलाई चलचित्रमा हेर्न खोज्ने दर्शकको संख्या पनि उल्लेख्य रहेको छ।

अनिल योज्ननको निर्देशनमा तयार हुने चलचित्र ‘कुस्ती’ मा यो जोडी पहिलोपटक सहकार्य गर्दैछन्। आज तमु तमु ल्होसारको अवसर पारेर घोषणा गरिएको चलचित्रलाई बुद्धि तामाङ्गले निर्माण गर्दैछन्। चलचित्रमा बुद्धि स्वयम् पनि प्रमुख भूमिकामा रहनेछन्। यो चलचित्रलाई २०८२ को भाद्रमा रिलिज गर्ने तयारी गरिएको छ ।