सौगात र गरिमाको ‘जन्ते बाख्रो’ को शुभमुहूर्त

सौगात मल्ल र गरिमा शर्मा मुख्य भूमिकामा रहेको चलचित्र ‘जन्ते बाख्रो’ को शुभ मुहूर्त गरिएको छ । पौष २० गतेबाट छायांकनमा जाने चलचित्रको शुक्रबार कमलादीस्थित गणेश मन्दिरमा शुभमुहूर्त गरिएको हो। सिमोस सुनुवारको निर्देशनमा बन्ने चलचित्रको मुहूर्त सट सौगात र गरिमाले दिएका थिए।

चलचित्रमा आशिफ शाह, रमा थपलिया, लोकेन्द्र लेखक, कमल देवकोटा, विशाल पहाडी, रुशा न्यौपाने, कुसुम शर्मा, स्नेहा जोशी, समापिका गौतम, कुशल गजमेर लगायतका कलाकारहरुको अभिनय रहनेछ ।

मुईन इन्टरटेनमेन्टको प्रस्तुति रहने ‘जन्ते बाख्रो’ कमेडी कथावस्तुमा निर्माण हुँदैछ । प्रदीप भारद्धाजको कथा, पटकथा र संवाद लेखन रहेको चलचित्रका निर्माता सन्तोष गौतम हुन्।