‘रंगी’ पोष्टर: लजालु नम्रता, खुशी सलोन र छोरी

अभिनेता सलोन बस्नेत प्रस्तुतकर्ता रहेको चलचित्र ‘रंगी’ को दोश्रो पोष्टर सार्वजनिक भएको छ। सान्भी इन्टरटेनमेन्ट प्रालिको व्यानरमा निर्माण भएको चलचित्र फागुन २ गतेदेखि प्रदर्शन हुँदैछ । शुक्रबार सार्वजनिक नयाँ पोष्टरमा कलाकार सलोन बस्नेत, नम्रता श्रेष्ठ र बाल कलाकार आयुषी ढकाललाई स्थान दिइएको छ ।

पोस्टरमा साइकलमा रहेका सलोनले आयुषीलाई बोकेका छन् । सलोन र आयुषी खुशी मुद्रामा छन् । सलोनको अगाडि नायिका नम्रता लजालु भावमा उभिएकी छन् । पात्रको पृष्ठभूमिमा वसन्तपुर दरबार स्क्वायरको गल्ली देख्न सकिन्छ ।

सुरेश न्यौपानेको डेब्यू निर्देशन रहेको चलचित्रमा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ र विशाल पहारीको अभिनय छ । चलचित्रले बाबुछोरीको सम्बन्धको कथा बताउनेछ ।

सक्षम सुवेदी र करिश्मा केसी बस्नेतको निर्माण रहेको चलचित्रमा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, आनन्द कार्की, आमेश भण्डारी, भीम बिसी, समीक्षा अधिकारी र सुजता केसीको स्वर, दुर्गेश थापा, आमेश भण्डारी र भीम बिसीको शब्द रहेको छ ।