नयाँ रिलिज मिति सहित ‘होस्टेल ३’ को अफिसियल पोष्टर रिलिज

सफल ब्रान्ड नाम सिक्वेल चलचित्र ‘होस्टेल’ को तेश्रो शृंखला ‘होस्टेल ३’ फागुन १६ गतेबाट रिलिज तयारीमा रहेको थियो। माहाशिवारात्रिको अवसर पारेर रिलिज हुने तयारीमा रहेको चलचित्र यो मितिबाट सारेको थियो। चलचित्र रिलिजको भिड जम्म भएपछी पछि सरेको चलचित्र अव फागुन २३ गतेबाट रिलिज हुने भएको छ। निर्माण कम्पनी सम्मान इन्टरटेनमेन्टले फर्स्टलुक पोस्टर सार्वजनिक गर्दै नयाँ प्रदर्शन मिति घोषणा गरेको हो। यो मितिमा अहिलेसम्म अरु चलचित्रले रिलिज मिति तय गरेका छैनन्।

निर्माण टिमले सार्वजनिक गरेको पोष्टरमा चलचित्रमा मुख्य चार पात्रहरुलाई समावेश गरिएको छ। चार मुख्य पात्रहरू आशिष घिमिरे, पारस बम ठकुरी (कुल ब्वाई), रिहान गिरि र पदम तामाङ चित्रित पोष्टरमा उनीहरु कलेजको बास्केटबल कोर्टमा रमाइलो गरिरहेका देखिन्छन् ।

निर्देशक कँडेल कथा रहेको चलचित्रमा माधव शर्माको स्क्रिप्ट लेखन छ । सम्मान इन्टरटेनमेन्टले आरोन कन फिल्म्ससँग सहकार्य गरेर निर्माण गरेको चलचित्रका निर्मातामा कर्ण कार्की र गोविन्द अधिकारी, सह-निर्मातामा सुरेश कँडेल तथा कार्यकारी निर्मातामा शङ्कर कोइराला रहेका छन् । चलचित्रमा सिम्रन पन्त, हेना नगरकोटी, उमर खान, समा पराजुली, रोहन श्रेष्ठ, सन्तोष बानियाँ लगायतको पनि अभिनय रहेको छ ।