‘दुखी आत्मा’ नेपाल संगै जापानमा एकसाथ रिलिज हुने

नेपाली चलचित्रको लागी जापान ओभरसिजमा राम्रो बजार बन्दै गएको छ। नेपाली दर्शकले नेपाली चलचित्रलाई जापानमा राम्रो माया दिदै आएका छन्। दिपेन्द्र लामाको निर्देशनमा तयार भएको चलचित्र ‘दुखी : आत्मा’ को जापान राइट्स बिक्रि भएको छ। पोष्टर सार्वजनिक भएसंगै चर्चामा रहेको चलचित्रको जापान अधिकार यूएनए इन्टरटेन्मेन्टले खरिद गरेको हो । यूएनएका प्रमुख उज्ज्वल गुरागाँइले ‘दुखी आत्मा’को जापानमा उच्च माग भएकाले खरिद गरेको बताए ।

फागुन २ गतेबाट नेपालमा रिलिज हुने चलचित्रलाई जापानमा पनि सोहि मितिमा रिलिज गर्ने तयारी गरिएको छ। हिमाल कडरियाको लगानी रहेको चलचित्रको कार्यकारी निर्माता सुदिप ढकाल हुन्। चलचित्रमा दयाहाङ राई, आँचल शर्मा, अनुप विक्रम शाही, वुद्दि तामाङ, रेअर राई, लोकेन्द्र लेखक, आशान्त शर्मा लगायतका कलाकारको अभिनय छ ।