नयाँ बर्षमा राजेशको ‘नरसिंहा: अवतार’ रिलिज तय, कस्तो रहला कमब्याक प्रस्तुती?

महानायक राजेश हमालको कमब्याक चलचित्र ‘नरसिंहाः अवतार’को प्रदर्शन मिति तय भएको छ। छायांकन भइरहेको चलचित्रलाई नयाँ बर्षको अवसर पारेर चैत्र २९ गतेबाट रिलिज गरिनेछ। दिवाकर भट्टराईको लेखन तथा निर्देशन रहेको चलचित्रको वितरक कम्पनी र निर्माताको नयाँ बर्षमा रिलिज सम्झौता भएको हो।

चलचित्रमा राजेश हमालको साथमा नीति शाह, राज कटुवाल, सनिसा भट्टराई, प्रशान्त ताम्राकार, नीर शाह, सरोज खनाल, राजीव मानन्धर, सुशान्त श्रेष्ठ, उषा खड्गी, राजीव जंग बस्नेत, प्रकाश कुँवर, अमित गिरी, रमेश सोडारी, सरोज शाह, अमित श्रेष्ठ लगायतका कलाकारहरुको अभिनय छ । नेम महर्जन, दीपक शर्मा ढकाल, ध्रुव न्यौपाने र नरेन्द्र महर्जनको लगानी रहेको चलचित्र मार्फत ८ बर्षपछि हमाल कमब्याक गर्दैछन्।

नेपाली चलचित्र क्षेत्रमा दरिलो नाम बनाएका हमालको कमब्याक चलचित्रलाई लिएर उनका फ्यान उत्साहित रहेका छन्। दरिलो छवी बनाएका हमालको कमब्याक चलचित्र कस्तो रहने हो त्यो सबैलाई चासो रहेको छ। दर्शकले व्यावसयिक रुपमा चलचित्रलाई सफल बनाउन कस्तो साथ दिने हुन् र नयाँ बर्षमा हमालको कमब्याक कस्तो रहनेछ चैत्र २९ पछि थाह हुनेछ।