कहिले जुर्ला अनमोल र नीतिको चलचित्र सहकार्य ?

चलचित्र ड्रिम्समा अभिनेता भुवन केसीले अनमोल केसी र नीति शाहको जोडी बाध्ने कोसिस गरेका थिए। तर उक्त समयमा दुवैको जोडी असम्भव भयो। नीतिले चलचित्रमा काम गर्ने इच्छा नजनाएपछि उनको जोडी साम्राज्ञीसंग बाँधिएको थियो। तर दर्शकको ठुलो समुह अहिले पनि नीति र अनमोलको जोडीलाई पर्दामा हेर्न चाहना राख्ने गर्दछन्। यो जोडीलाई लिएर दुइ चलचित्र घोषणा पनि भए।

‘एक्स ९ ‘ र ‘रावयाण’ दुई चलचित्रमा यो जोडीले काम गर्ने पक्का भयो । तर अन्त्यमा दुवै चलचित्रमा यो जोडी रहेन। स्कूलका सहपाठी रहेका अनमोल र नीतिको सम्बन्ध राम्रो रहेको छ। चलचित्रमा सहकार्य नजुरे पनि अनमोल र नीतिको सम्बन्ध सुमधुर रहेको छ । दुवै यतिबेला अमेरिकामा रहेका छन् । अमेरिकामा नीति र अनमोलका तस्विरहरु बाहिरि रहेका छन्। अमेरिकामा पुगेका दुवैले रमाएर पोज दिए। प्राप्त तस्विरमा दुवैको जोडी सुन्दर देखिएको छ। नीतिले शेयर गरेका तस्विरमा पनि दुवैको प्रेमिल मुस्कान सहितको पोजले दर्शकको मन जितिरहेको छ। तस्विरमा मात्र साथ देखिरहेको यो जोडीलाई दर्शकले पर्दामा कहिले हर्ने पाउने हुन्, त्यो भने भविष्यले नै बताउला।