प्रकाश सपुतको ‘वसन्त’ छायांकन सकियो , चैत्रमा रिलिज हुँदै

बर्ष २०८१ प्रकाश सपुतका लागि निकै बिशेष रहेको छ। गायन हुँदै अभिनयमा होमिएका सपुत अभिनित चलचित्र ‘पूर्णबहादुरको सारंगी’ ले एतिहासिक व्यापर गर्यो। यहि बर्ष उनले केहि चलचित्रमा अभिनय गर्ने पक्का बन्यो। ‘हरिबहादुरको जुत्ता’ , ‘माइतिघर’ र ‘सोल्टिनी’ मा उनि मुख्य भूमिकामा देखिदैछन्। यहि बर्ष यी चलचित्रको छायांकन हुनेछ।

उनले आफ्नो निर्देशनमा चलचित्र ‘वसन्त’ निर्माण गरे। यो चलचित्रको सम्पूर्ण छायांकन सकिएको छ। काठमाडौंसहित बाग्लुङ, वीरगञ्ज, हेटौंडा र पथलैयामा ३८ दिन लगाएर चलचित्रको छायांकन सकिएको छ। धबार काठमाडौंको ठमेलमा अन्तिम दृश्य खिचिएको छ। निर्देशनसंगै चलचित्रको मुख्य भूमिकामा सपुत नै रहेका छन्।

अन्तरजातीय प्रेमकथामा आधारित चलचित्रमा उनको जोडी स्वस्तिमा खड्कासंग बाँधिएको छ। गलबन्दी प्रोडक्सनको प्रस्तुति रहेको चलचित्रमा प्रकाश र स्वस्तिमासँगै प्रकाश घिमिरे, प्रभात पाल ठकुरी, खड्क बहादुर पुन, शिवांशी श्री, अनुप बराल, कमलमणी नेपाल लगायतका कलाकारको अभिनय रहेको छ। चलचित्रमा मोहन विश्वकर्मा, अनुरोध भट्टराई र नाना थकाली कार्यकारी निर्माताको रुपमा छन् ।