नयाँ बर्षमा ‘पिताम्बर’ रिलिज हुने, पोष्टरमा दया, सौगात र प्रदिप

लामो समय चलचित्र निर्माणमा सक्रिय भएर चलचित्र निर्देशनमा होमिएकी निर्देशक कृषा चौलागाईको दोश्रो निर्देशकीय चलचित्र ‘पिताम्बर’ ले रिलिज मिति तय गरेको छ। मल्टीस्टारर चलचित्र नयाँ बर्षको अवसर पारेर चैत्र २९ गतेबाट रिलीज हुने भएको छ। चलचित्रको निर्माण टिमले एक पोष्टर सार्वजनिक गर्दै रिलिजु मिति तय गरेको हो।

सार्वजनिक पोस्टरमा तीन कलाकारलाई स्थान दिईएको छ। सौगात मल्ल, दयाहाङ राई र प्रदिप खड्का पोष्टरमा देखिएका छन्। पोष्टरले नै चलचित्र एक्सन प्रधान रहेको स्पष्ट हुन्छ। पोष्टरमा प्रदिपलाइ क्रुद्ध मुद्रामा देखाइएको छ। उनको अनुहारबाट रगत बगिरहेको छ । दया गम्भीर भावमा प्रहरीको पोशाकामा देखिएका छन् भने रिसाह भावमा सौगात मेसिनगन लिएर प्रस्तुत भएका छन्।

चलचित्र दयाहाङ, सौगात र प्रदीपसहित सुरक्षा पन्त, आर्यन सिग्देल, अनुपविक्रम शाही, दिव्या रायमाझी, दिव्य देव, कामेश्वर चौरासिया, सुपुष्पा भट्ट लगायतको अभिनय छ । विशाल चौलागाइँ निर्माता रहेको चलचित्रमा पुरुषोत्तम प्रधान छायाँकार र सह- निर्माताको रुपमा रहेका छन्। सुमन गौतम चलचित्रको कार्यकारी निर्माता हुन्।