३५ दिनमा सकियो ‘फेरि रेशम फिलिली’ को छायांकन

चलचित्र ‘रेशम फिलिली’ ९ बर्ष अगाडी प्रदर्शनमा आएको थियो। निकै चर्चामा रहेको चलचित्रको दोस्रो श्रृंखला ‘फेरि रेशम फिलिली’को सम्पूर्ण छायांकन सकिएको छ । ३५ दिन मा चलचित्रको छायांकन सकिएको हो। काठमाडौं, पाँचखाल, बारा र चितवनमा खिचिएको चलचित्रलाई निरोज महर्जनले निर्देशन गरेका छन्।

चलचित्रका मुख्य कलाकारमा पहिलो शृंखलाका कलाकार नै रहेका छन्। विनय श्रेष्ठ र कामेश्वर चौरासिया चलचित्रमा दोहोरिएका छन् भने मेनुका प्रधानको ठाउमा अभिनेत्रीको रुपमा सुपुष्पा भट्टले अभिनय गरेकी छन् । चलचित्रमा नीर शाह, लक्ष्मी गिरी, प्रकाश घिमिरे, शिशिर वाङ्गदेल, रविन्द्र झा, महेश त्रिपाठी, एवनराज उप्रेती, मेक्सम गौडेल लगायतको पनि अभिनय छ । रौनक विक्रम कँडेलको निर्माण रहेको चलचित्रको सह-निर्माता एनी थापा र कार्यकारी निर्माता सुरज बम ठकुरी रहेका छन्।