खुल्यो ‘तेल भिषा’ को अग्रिम बुकिङ्ग, कस्तो रहला ओपनिङ्ग?

मंसिर ७ गते शुक्रबारबाट प्रदर्शनको तयारीमा रहेको चलचित्र ‘तेल भिसा’ को अग्रीम बुकिङ खुला गरिएको छ ।
देशकै ठुलो मल्टीप्लेक्स चेन क्युएफएक्सले काठमाडौं उपत्यकामा २५ शो अनि मोफसलमा २५ शो उपलब्ध गराएको छ । यस्तै, देशको दोस्रो ठुलो मल्टीप्लेक्स चेन आइएनआई सिनेमाजले ९ शो, वान सिनेमाजले ७ शो, एफक्युबले ६ शो, बिग मूभिजले ४ शो, बिएसआर मूभिजले ३ शो, रञ्जना सिनेप्लेक्सले ५ शो, सिके सिनेमाजले ३ शो, सिने डी सेफले ४ शो र कृर्तिपुर सिनेप्लेक्सले १ शो उपलब्ध गराएका छन् ।

शंकर घिमिरेको कमब्याक निर्देशनमा तयार भएको चलचित्रले देशभर झन्डै डेढ सय शो पाएको छ। हलमा ‘पूर्णबहादुरको सारंगी’ को दबदबा अझै रहेको छ। झन्डै दुइ सय जति शो यहि चलचित्रको हातमा रहेको छ। अघिल्लो शुक्रबार रिलिज भएको चलचित्र ‘ ह्रश्व दिर्घ’ पनि हलमा रहेको छ। यो बीचमा चलचित्रले पाएको यो शो आकर्षक रहेको छ। चलचित्रको वर्ड अफ माउथ र दर्शकको साथले यसको शो कस्तो रहने हो त्यो पश्चात थाह हुनेछ।

शंकर घिमिरेको लेखन तथा निर्देशनमा निर्माण भएको चलचित्र अभिनेता विपिन कार्कीको दोहोरो भुमिका हेर्न पाइनेछ । चलचित्रमा विपिनसँगै वर्षा राउत, पुजा चन्द, ऋचा घिमिरे, बुद्धि तामाङ, सुचित्रा उप्रेती र विदेशी कलाकारहरुको अभिनय रहेको छ ।

वेलडन क्रियसनको व्यानरमा ऋचा घिमिरेको प्रस्तुती रहेको चलचित्रमा अनिल पाण्डे र शिवराज कार्कीको लगानी छ । प्रिन्स युवराज कार्की र श्रुती दाहाल कार्यकारी निर्माता रहेका छन्।