विदेशमा धमाधम बिक्री हुँदै ‘होस्टेल ३’

चलचित्र ‘होस्टेल ३’ को दोश्रो चरणको छायांकन यतिबेला चलिरहेको छ। चलचित्रको दुवै सिरिज सफलताको साथमा प्रदर्शन भएको कारण पनि यसको तेश्रो नाम सिक्बेलको चर्चा घोषणा देखि नै रहेको छ। ब्रान्ड नामको कारण नै यो चलचित्र विदेश प्रदर्शन अधिकार धमाधम बिक्रि भैरहेको छ।

चलचित्रको पहिलो चरणको छायांकनमा जापान, मध्यपूर्वका देश र मलेसियामा प्रदर्शन अधिकार बिक्री भएको थियो। चलचित्रको थप दुई देशमा प्रदर्शन अधिकार विक्री भएको छ। ब्ल्याक आइ क्रियशन (राजु कान र सुदिन केसी) ले अस्ट्रेलिया र न्यूजिल्यान्डका लागि चलचित्रको प्रदर्शन अधिकार खरिद गरेको हो । पारस बम, रिहान गिरी, पदम तामाङ, सिम्रन पन्त, हेना नगरकोटी, उमर खान, समा पराजुली, सन्तोष बानियाँ, रोहन श्रेष्ठ, आशिष पुरुष लगायतको अभिनय रहेको चलचित्रलाई सशान कंडेलले निर्देशन गरिरहेका छन् ।

माधव शर्माको लेखन रहेको चलचित्रमा निर्देशक कंडेलको कथा रहेको छ। कर्ण कार्की र गोबिन्द अधिकारी निर्माता रहेको चलचित्रको कार्यकारी निर्मातामा शंकर कोइराला रहेका छन्।