सफलताको ह्याट्रिक गरेकी अञ्जना बराइली ‘डोरी’ मा अनुबन्धित

लगातार हिट चलचित्र दिईरहेकी अभिनेत्री अञ्जना बराइली नयाँ चलचित्रमा अनुबन्धित भएकी छिन् । डेव्यु चलचित्र ‘महापुरुष’ बाट नै सफलताको स्वाद चाखेकी अन्जनाको दोश्रो चलचित्र ‘पूजार सार्की’ पनि सफल बनायो। तेश्रो चलचित्र ‘पूर्ण बहादुरको सारंगी’ इतिहास तोड व्यापारको साथ प्रदर्शनरत रहेको छ।

अञ्जना यहि चलचित्रका दर्शक भेट्न मोफसलमा रहेकी छिन्। उनै अञ्जना नयाँ चलचित्रमा अनुबन्धित भएकी छिन्। जी सेवेन प्रोडक्सनको ब्यानरमा निर्माण हुने चलचित्र ‘डोरी’ मा उनि अभिनेत्रीको रुपमा अनुबन्धित भएकी हुन्। चलचित्रमा प्रकाश घिमिरे, प्रवीण खतिवडा, शिशिर बाङ्गदेल, कविता आले, राज पौडेल, विशाल राई लगायतले अभिनय गर्ने तय भैसकेको छ। अरुण लामाको निर्देशनमा तयार हुने चलचित्रको निर्मातामा ‘मिस्टर एक्स’ र कार्यकारी निर्माता राज थापा रहेका छन्।