रोचक बन्दै ‘हरिबहादुरको जुत्ता’ को स्टारकास्ट , प्रियंका कार्की अनुबन्धित

दिपेन्द्र के खनालको निर्देशनमा तयार हुने चलचित्र ‘हरिबहादुरको जुत्ता’ को कलाकार लाइनअप आकर्षक बन्दै गएको छ। हरिवंश आचार्य र प्रकाश सपुतलाई मुख्य भूमिकामा अनुबन्धित गरेर घोषणा गरिएको चलचित्रमा अभिनेत्रीको रुपमा स्वस्तिमा खड्का केहि दिन अनुबन्धित भएकी थिइन्।

चलचित्रमा अर्की अभिनेत्री प्रियंका कार्कीको प्रवेश भएको छ। पछिल्लो समय आफुलाई एकपछि अर्को प्रोजेक्टमा व्यस्त राखिरहेकी प्रियंकाको प्रवेशले चलचित्रको स्टारकाष्ट झन् रोचक बनाएको छ। चलचित्रमा कमेडियन दिनेश काफ्लेको पनि प्रवेश भएको छ। सरोज ओलीको निर्माणमा तयार हुने चलचित्र माघबाट सुटिङ्गमा जाने तयारीमा रहेको छ।