‘भ्वाइस अफ नेपाल’ सिजन ६ का कोच: प्रमोद आउट हुँदा राजु इन , अरु को को छन् नयाँ?

नेपाली गायन रियालिटी शोमा सर्वाधिक चर्चित शो मा पर्छ ‘भ्वाइस अफ नेपाल सिजन’। ५ वटा सिजन सफलताको साथमा सम्पन्न गरेको यो टिमले छैटौ सिजन लिएर आउने तयारीमा रहेको छ। यो पटक कोचहरुको हेरफेर भएको छ। पहिलो सिजनबाट देखिएका प्रमोद खरेल कोचको रुपमा यो पटक देखिने छैनन्।

त्यस्तै पाँचौ सिजनका कोचहरु राजेश पायल राई र मिलन नेवार पनि यो सिजनमा देखिने छैनन्। पांचौ सिजनमा रहेका उदय सोताङ्ग दोहोरिदा कोच राजु लामाले पुनरागमन गरेका छन्। त्यस्तै भ्वाइस किड्स’ मा कोच रहेकी गायिका मेलिना राईले महिला कोचको जिम्मेवारी सम्हाल्नेछिन्। पहिलोपटक लोकदोहोरी गायकले कोचको रुपमा शोमा इन्ट्री गरेका छन्। सफल सर्जक खेम सेन्चुरी कोचको रुपमा देखिदैछन्। आइतबारदेखि ब्लाइन्ड अडिसन सुरु हुने र १२० जना प्रतिस्पर्धीले यो राउण्डमा प्रतिस्पर्धा गर्ने बताइएको छ। लक्ष्मण पौडेलको निर्देशनमा तयार हुने शो मंसिर अन्त्यदेखि प्रसारण हुनेछ।