‘तेल भिषा’ ट्रेलर: अमेरिकामा आमाको उल्झनको कथा

मङ्सिर ७ गतेबाट रिलिज तयारीमा रहेको चलचित्र ‘तेल भिषा’ को ट्रेलर सार्वजनिक भएको छ। सुत्केरी बुहारी स्याहार्न नेपालदेखि अमेरिका पुगेकी एक सासूको कथा बोलेको ट्रेलर मर्मस्पर्शी देखिएको छ । इमोशनल चलचित्रको बजार चलिरहेको बेला यो अर्को दर्शकका लागी रुचिकार चलचित्र बन्न सक्छ।

चलचित्रमा अभिनेता विपिन कार्की दोहोरो भूमिकामा देखिएका छन्। बाबु र छोराको भूमिकामा उनि शसक्त देखिएका छन्। पूजा चन्दा आमा र बर्षा राउत श्रीमतीको भूमिकामा देखिएका छन् ।

शंकर घिमिरेको निर्देशनमा तयार भएको चलचित्रमा ऋचा घिमिरे, बुद्धि तामाङ्ग, फ्रान्सिस शेरमन, ज्याक बेल, सुचित्रा उप्रेती र अनिल पाण्डे लगायतको अभिनय रहेको छ। वेलडन क्रिएसनले निर्माण गरेको चलचित्र प्रस्तुतकर्ता ऋचा घिमिरे र निर्माताको रुपमा अनिल पाण्डे र शिवराज कार्की रहेका छन्।