‘कल्ली’ मा उत्तम प्रधान, सौगात देखि बेनिशासम्म देखिदै

नेपाली चलचित्र क्षेत्रमा कुनै समय सफल भएका कलाकारले लामो समय रेष्ट लिएर पर्दामा पुनरागमन गर्ने पछिल्लो समय ट्रेन्ड चलिरहेको छ। राजेश हमाल, विपना थापा, निरुता सिंह लगायतले नेपाली चलचित्र क्षेत्रमा कमब्याक गरिरहेका छन्। यहि बीचमा अभिनेता उत्तम प्रधान पनि नेपाली चलचित्रमा देखिने भएका छन्।

केहि समय अगाडी अभिनेत्री निरुता सिंहसंग एक म्युजिक भिडियोमा उत्तम देखिएका थिए । त्यो भाड्न अगाडी उनले चलचित्र ‘दर्पणछायाँ २’ मा विशेष भूमिकामा काम गरेका थिए। अब उनि चलचित्र ‘कल्ली’ मा देखिने भएका छन्। रेड बर्ड प्रोडक्सन र कस्तूरी प्रोडक्सनको व्यानरमा निर्माण हुन लागेको चलचित्रका लागि उनले सम्झौता गरेका छन् । सौगात मल्ल, अर्पण थापा, वुद्दि तामाङ, कमलमणि नेपाल र बेनिशा हमालले काम गर्ने पक्का भैसकेको छ। चलचित्रका निर्माता किरण नेपाली र निर्देशक लक्ष्मण सुनारले सिक्किम पुगेर प्रधानलाई अनुबन्धित गरेका हुन् । कर्णाली प्रदेशका विभिन्न स्थानमा छायांकन हुने चलचित्रलाई चैत्र २९ गतेबाट रिलिज गर्ने तयारी गरिएको छ।