‘मायाका रंगहरु’ बाट बाहिरिएका छैनन् पल, ‘मोहर’ पनि गर्दै

अभिनेता पल शाह यतिबेला न्युजिल्यान्डको भ्रमणमा रहेका छन्। कमब्याक चलचित्र ‘रामायण’ सोचेजस्तो नचलेपछि उनको करियरको यात्रा कसरि अगाडी बढ्ने हो भन्ने अनेक अड्कल बाजी रहेको थियो। लगतै चलचित्र ‘कल्ली’ बाट बाहिरिएपछि उनी सम्झौता गरेका अन्य चलचित्रमा पनि नरहेको चर्चा सिने नगरीमा चलेको थियो।

केहि समय अगाडी चलचित्र ‘मायाका रंगहरु’ मा अभिनेता मनिष राउतको प्रवेश भएपछी पल बाहिरिएको चर्चा चलेको थियो। ओम प्रतिकको निर्देशनमा तयार हुने चलचित्र ‘मोहर’ मा पनि उस्तै आशंका गरिएको थियो। तर यी दुवै चलचित्रमा पल शाह यथावत रहेका छन्।

पलले विदेश भ्रमण अगाडी मायाका रंगहरुका निर्देशक संग भेटेको तस्विर सार्वजनिक भएको केहि दिन भयो । तिहारका बिभिन्न सार्वजनिक पोष्टहरुमा उनले मायाका रंगहरुको फेसबुक एकाउन्टलाई मेन्सन गरेका छन् भने पोष्टहरु पनि शेयर गरिरहेका छन्। यो अर्थमा चलचित्रमा उनि काम गर्ने यथावत रहेको प्रष्ट हुन्छ। चलचित्रको सुटिङ्ग मङ्सिरबाट सुरु हुने बताइएको छ।

https://www.facebook.com/share/p/1JCsSbZWNc26S4YT

त्यस्तै तिहारको शुभकामना दिन तयार पारिएको मोहरको पोष्टरमा पलको नाम उल्लेख छ यो अर्थमा चलचित्र चाडै बन्नेमा ढुक्क देखिएको छ। मोहरमा अभिनेत्रीहरु बेनिशा हमाल र नीति शाहसंग उनले सहकार्य गर्दैछन्।