बान्द्रेले ल्याए सिरियल ‘मेरी आम्मै’

टेलिसिरियल ‘मेरी बास्सै’ बाट चर्चामा आएका कलाकार सुरोज चपागाईं ‘बान्द्रे’ले नयाँ सिरियल ल्याउने भएका छन् ।
बान्द्रले ल्याउन लागेको सिरियल ‘मेरी आम्मै’ हो । आगामी शनिबार (कात्तिक १७) बाट उक्त सिरियलको प्रशारण हुने बन्द्रेले जानकारी दिएका छन् ।

बान्द्रेको लेखन र निर्देशन रहने सिरियलमा ‘मेरी बास्सै’ की मैयाँ सुनीता गौतमको पनि अभिनय रहने छ । ‘मेरी बास्सै’ मा बान्द्रे र मैयाँ दिदी–भाइको भूमिकामा थिए । बान्द्रेका अनुसार उनको नयाँ सिरियल आफ्नै युट्युब च्यानल ‘बान्द्रे नारायण’ बाट प्रसारण हुनेछ ।