६० लाखको भिडियोमा बोल्ड साम्राज्ञी

‘ड्रिम्स’ डेव्यु पश्चात अभिनेत्री साम्राज्ञी राज्य लक्ष्मी शाहको डिमाण्ड नेपाली चलचित्र क्षेत्रमा उच्च रहेको थियो। आफुलाई भिन्न कथाका चलचित्रमा स्थापित गर्न कोसिस गरेकी शाहको चलचित्र करियर पछिल्लो समय सोचेजस्तो चलेको छैन। लगातार असफल चलचित्र हातमा परेपछि उनि आफ्नो करियरलाइ कसरी अगाडी बढाउने अन्योलमा रहेको प्रष्ट देखिन्छ।

यहि बीचमा उनले एक महँगो भिडियोमा अभिनय गरेकी छिन्। ६० लाखको लगानीमा तयार भएको ‘मालती’ बोलको डान्सिङ शैलीको गीतमा उनले अभिनय गरेकी छिन्। दशैंअघि थाइल्याण्डमा खिचिएको भिडियोमा उनको जोडी विशाल खरेलसँग बाँधिएको छ । सार्वजनिक गरिएका तस्विरमा उनि निकै बोल्ड देखिएकी छिन्।

एक सातासम्म थाइल्याण्डमा छायांकन गरिएको गीतमा त्यहाँका चर्चित मोडलहरुलाई कोरसमा उतारिएको निर्देशक सञ्जय न्यौपानेले जानकारी दिए ।