देशभर ऐतिहासिक शो पाएको ‘बेहुली फ्रम मेघौली’ रिलिज, कस्तो छ अकुपेन्सी?

स्वस्तिमा खड्का र निश्चल बस्नेत प्रमुख भूमिकामा रहेको चलचित्र ‘बेहुली फ्रम मेघौली’ नेपाली चलचित्रको इतिहासमा नै उच्च शो प्राप्त गरेर आजबाट रिलिज भएको छ।

देशभर ३३५ पर्दामा रिलिजमा आएको चलचित्रको बिहानी अकुपेन्सी राम्रो देखिएको छ। निश्चल बस्नेत र स्वस्तिमा खड्काको निर्माण रहेको चलचित्रको बिहानी शोमा दर्शक भेट्न चलचित्रको टीम पुगेको थियो । सुखद सुरुवात गरेको चलचित्रको दिउँसोबाट अकुपेन्सी झन् बढ्ने अनुमान गरिएको छ ।

आकाश बराल र सजन काफ्लेको लेखन तथा निर्देशन रहेको चलचित्रमा बसुन्धरा भुषाल, सिरु बिष्ट, लोकेन्द्र लेखक, विजय बराल, सिम्रन खड्का, अभिषेक खड्का लगायतका कलाकारको अभिनय रहेको छ ।