‘डेनी डेन्जरस’ निर्देशन गर्दै निश्चल

अभिनेता तथा निर्देशक निश्चल बस्नेतको निर्देशनमा नयाँ चलचित्रको घोषणा भएको छ। ६ बर्षपछि गएको बर्ष चलचित्र ‘दिमाग खराब’ निर्देशन गर्दै कमब्याक गरेका निश्चलले ‘डेनी डेन्जरस’ बनाउने भएका छन्। बुधबार एक थिम पोस्टर सार्वजनिक गर्दै चलचित्रको घोषणा गरिएको हो।

पोस्टरले चलचित्र ग्याङ्स्टर कथामा बन्न लागेको संकेत गर्छ। ब्ल्याक हर्स पिक्चर्सको ब्यानरमा निर्माण हुन लागेको चलचित्र सन् २०२५ मा रिलिज गरिने पोस्टरमा उल्लेख छ । तिहारपछि छायांकन सुरु गरिने चलचित्रका कलाकार सार्वजनिक गरिएको छैन। यो चलचित्र पश्चात निश्चलले चलचित्र ‘दिमाग खराब’ को सिक्वेल बनाउनेछन् । कमब्याक निर्देशकीय चलचित्र हिट दिएका निश्चल लगातार चलचित्र निर्देशनमा सक्रिय हुने देखिएको छ । यहि बर्ष दशैँको घटस्थापना ( असोज १७ ) गतेबाट उनी अभिनित चलचित्र ‘महुली फ्रम मेघौली’ रिलिज हुँदैछ। अभिनेत्री स्वस्तिमा खडकासंग मिलेर उनले यो चलचित्र निर्माण गरेका छन् ।