‘एक्टर’ पोष्टरमा प्रदिप खड्काको बहुरुपी लुक्स

प्रदिप खड्का मुख्य भूमिकामा रहेको चलचित्र ‘एक्टर’ को फर्स्टलुक पोस्टर सार्वजनिक गरिएको छ । सार्वजनिक पोष्टरमा प्रदिपलाई भिन्न पाँच गेटअपमा प्रस्तुत गरिएको छ। उनको बिभिन्न रुपले चलचित्रमा उनको पात्रमा विविधता रहेको स्पष्ट पर्छ। लक्ष्मी पुजाको अवसर पारेर चलचित्र कार्तिक १५ गतेबाट रिलिज हुँदैछ।

चलचित्रमा प्रदीपसहित आना शर्मा, राजबल्लभ कोइराला, दिव्य देव, दिव्या रायमाझी, सुशील सिटौला उषा रजक, सिर्जना अधिकारी, अनुज पाण्डे लगायतका कलाकारको अभिनय रहेको छ।

यो चलचित्रबाट राजबल्लभले १० वर्षपछि पुनरागमन गर्दैछन् भने दिलिप रायमाझीकी छोरी दिव्याको यो डेव्यु चलचित्र हो। राजन भुसालको डेब्यु निर्देशनमा तयार भएको चलचित्रमा थमन कुमार भण्डारीको लगानी रहेको छ ।