पावरफुल एक्सनले भरिएको विराज र समिरको ‘१२ गाउँ’ टिजर

विराज भट्टको निर्माण र निर्देशनमा तयार भएको चलचित्र ‘१२ गाउँ’ को एक्सनयुक्त टिजर सार्वजनिक भएको छ।

असोज २४ गते फूलपाती बाट रिलिज हुने चलचित्रको टिजरमा विराज र समिरलाई ज्यादा स्थान दिईएको छ। दुवैको एक्सन टिजरमा आकर्षक देखिएको छ।

आफ्नो डेव्यु चलचित्रमा समिरले आफ्ना बुबा विराजले बनाएको एक्सन छवीलाइ निरन्तरता दिएका छन्। चलचित्रमा विराज र समिरको साथमा सोनु चन्द्रपाल, दिया मास्के, मुरली धर, सनिशा भट्टराई, नरेन खड्का, न्यान्सी खड्का लगायतका कलाकारको अभिनय रहेको छ।