‘जन्ते बाख्रो’ मा सौगात मल्ल र आशिफ शाह अनुबन्धित

सौगात मल्ल मुख्य भूमिकामा रहने चलचित्र ‘जन्ते बाख्रो’ मा आशिफ शाह अनुबन्धित भएका छन् । सिमोस सुनुवारको निर्देशनमा तयार हुने चलचित्रमा आसिफ पनि मुख्य भूमिकामा अनुबन्ध भएको जानकारी प्राप्त छ। चलचित्रको छायांकन तिहार पश्चात गर्ने तयारी निर्माण टिमको रहेको छ।

चलचित्रका अन्य कलाकार र मुख्य अभिनेत्रीको लागि भने अडिसन गरिनेछ । कमेडी कथावस्तुमा निर्माण हुने चलचित्रको कथा, पटकथा तथा संवाद प्रदीप भारद्धाजले लेखेका हुन् । मुईन इन्टरटेनमेन्टको ब्यानरमा निर्माण हुने चलचित्रमा सन्तोष गौतम र निर्देशक सिमोस सुनुवारको लगानी रहनेछ ।