राजेश हमालको कमब्याक पक्का

अभिनेता राजेश हमालको चलचित्रमा कमब्याक पक्का भएको छ। पछिल्लो रिलिज ‘शकुन्तला’ पछि हमाल चलचित्रमा देखिएका थिएनन्। बिचमा केहि चलचित्रमा काम गर्ने चर्चा चलेपनि उनको कमब्याक भएको थिएन ।

अन्तत: हमालले निर्देशक दिवाकर भट्टराईको चलचित्रमा अभिनय गर्ने पक्का भएको छ। हमाल र दिवाकरबिच कागजी रुपमा संझौता समेत भएको छ । भदौबाट छायांकन सुरु हुने चलचित्रको नाम केहि दिनमा सार्वजनिक गरिनेछ।

चलचित्रमा राज कटुवालको पनि मुख्य भूमिका रहनेछ। केहि बर्ष म्युजिक भिडियोमा आफुलाई बढी सक्रिय बनाएका हमालले आफ्नो सामजिक संजालबाट चलचित्रमा कमब्याक गर्न लागेको जानकारी दिएका हुन्।