माग्ने बुढाको परिवार संयोग: एकैबर्ष तीन चलचित्र रिलिज, पत्नी र छोराको डेव्यु

केदार घिमिरे ‘माग्ने बुढा’ को परिवार नै कला क्षेत्रमा सक्रिय रहेको छ। श्रीमती सितादेवी तिमल्सिना सानो पर्दाको अभिनयसंगै ‘सानो संसार’ मार्फत चलचित्रमा डेव्यु गर्दैछिन्। यो चलचित्र यहि बर्षको घटस्थापानामा रिलिज हुने तयारीमा रहेको छ। केदार मुख्य भूमिकामा रहेको चलचित्र ‘छक्का पन्जा ५’ फूलपातीबाट रिलिज हुँदैछ। बाल कलाकार हुँदै पछिल्लो समय लेखनमा सक्रिय रहेका केदारका छोरा आशिष घिमिरे चलचित्र ‘होस्टेल ३’ बाट डेव्यु गर्दैछन्।

चलचित्र होस्टेल ३ लै सशान कंडेलले निर्देशन गर्दैछन्। भदौ २१ गतेबाट छायांकन तयारीमा रहेको चलचित्र फागुन १६ गतेबाट रिलिज हुनेछ। नेपाल र अन्तर्राष्ट्रिय बजारमा समेत एकसाथ रिलिज तयारीमा रहेको चलचित्रमा नयाँ अनुहारहरु देखिदैछन्। कन्टेन्ट क्रिएटर पारस बम ‘कुल ब्वाय’, गायक रिहान गिरी, पदम तामाङ, सिम्रन पन्त र हेना नगरकोटी अनुबन्धित भैसकेका छन् । सम्मान इन्टरटेन्मेन्टले आरोन कन फिल्म्ससँगको सहकार्यमा निर्माण हुने चलचित्रमा माधव घिमिरेको स्क्रिप्ट, कर्ण कार्की र गोविन्द अधिकारी निर्माता, सुधा मरहट्ठा, सुरेश कँडेल र अर्जुन सापकोटा सह-निर्माता र शङ्कर कोइराला कार्यकारी निर्माताको रुपमा रहेकाछन्।

स्टार कलाकार जन्माउने सिरिजको रुपमा परिचित होस्टेल सिरिजबाट यो पटक को स्टार बन्ने हो त्यो फागुन १६ पछि थाह हुनेछ। यो बर्ष केदारको परिवारका लागी भने बिशेस बन्नेछ। पत्नी र छोराको डेव्यु चलचित्रको सफलताको कामना गर्दै माग्नेबुढा ‘छक्का पन्जा ५’ को लागी दौडने पक्का भएको छ ।