कस्तो छ सुशिललाई ‘एक्सन स्टार’को ट्याग दिएको ‘आउटलः दफा २१९’ को टिजर ?

नायक सुशील श्रेष्ठ मुख्य भूमिकामा रहेको चलचित्र ‘आउटलः दफा २१९’ को टीजरले प्रसंशा बटुलेको छ। सुशिललको एङ्ग्री एक्सन अवतारलाई दर्शकले सकारात्मक प्रतिक्रिया दिईरहेका छन्। सुशिल श्रेष्ठ, नरेश पौडेल, शिक्षा संग्रौला, सुमन भण्डारी, हेम गुरुङ, सोनी लागुन, विशाल पहारी लगायतका कलाकारहरुको अभिनय चलचित्रमा रहेको छ ।

विक्की महर्जनको लेखन तथा निर्देशनमा तयार भएको चलचित्रमा अमित अग्रहरि निर्माताको रुपमा छन् । विनोद कठायत कार्यकारी निर्माता रहेको चलचित्र असोज ३ गतेबाट रिलिज हुँदैछ।

सार्वजनिक टिजरमा चलचित्रको कथावस्तुको सामान्य जानकारी मात्र दिन खोजिएको छ । टिजरमा सुशिलको इन्ट्री रोचक रहेको छ भने अन्तिममा उनको एङ्ग्री अवतारले दर्शकको मन जित्ने विश्वास निर्माण टिमले गरेको छ। संविधान दिवसको दिन रिलिज हुने यो चलचित्रले उठाएको कथावस्तु दर्शकका लागि पनि विशेष हुने यसको निर्माणपक्षको दाबी छ ।