‘चित्रा’ हिरोको ‘तै चुप मै चुप’ घोषणा
पोलिटिकल कमेडी चलचित्र ‘तै चुप मै चुप’ को निर्माण घोषणा गरिएको छ । चलचित्रका कलाकार एवम् निर्माता सन्तोष अधिकारीको जन्मदिनको अवसर पारेर चलचित्रको घोषणा गरिएको हो ।
सन्तोष अधिकारी फिल्म्सको व्यानर एवम् अस्याप इन्टरटेन्मेन्ट नेपाल र अस्ट्रेलियाको निर्माण सहकार्यमा बन्ने चलचित्र ‘तै चुप मै चुप’ लाई घनश्याम लामिछानेले निर्देशन गर्ने भएका छन् । चलचित्रमा स्कृप्ट मनिष गौतमको रहेको छ ।
चलचित्रको काठमन्डौ र पोखरामा छायाङ्कन हुने निर्माण पक्षले जनाएको छ । हाल चलचित्रका लागी कलाकार र गीत सङ्गीत छनोटको काम भइरहेको छ ।
![](https://i0.wp.com/www.mnmnepal.com/wp-content/uploads/2024/07/Tai-Chup-Mai-chup-Movie.jpeg?resize=720%2C509&quality=100&strip=all&ssl=1)
पोलिटिकल सस्पेन्स कथा रहेको उक्त चलचित्रमा समसामयिक राजनीतिक घटनाक्रमहरूलाई कमेडी ढङ्गले प्रस्तुत गरिने निर्देशक घनश्याम लामिछानेले बताए । यस अघि पनि यही टिमले चलचित्र चित्रा निर्माण र प्रदर्शन गरिसकेको छ । उक्त चलचित्रमा कलाकार सन्तोष अधिकारी लगायतको कामले तारिफ पाएको थियो ।
चलचित्रमा आशिष थापा मगर र प्रतिमा थापाको लगानी रहने छ भने चलचित्रको सम्पूर्ण मार्केटिङ्ग र ब्रान्डिङ्ग आईडिया पिक्सेलका तर्फबाट पवन राज जोशीले गर्नेछन् । चलचित्र ‘तै चुप मै चुप’ आगामी वर्ष भित्र प्रदर्शन गर्ने तयारी रहेको छ ।