‘एक्टर’ को लागी नेपालमा राजबल्लब कोइराला, प्रदिप र दिव्यासहितको टीमले गर्यो स्वागत
रोमान्टिक हिरोको रुपमा नेपाली चलचित्र क्षेत्रमा आफुलाई सफल बनाएका अभिनेता राज बल्लब कोइराला करिव ९ बर्षपछि नेपाली चलचित्र क्षेत्रमा कमब्याक गर्दैछन्। नेपाली चलचित्र क्षेत्रमा रहेको बेला नै अमेरिका हिडेका कोइराला चलचित्र ‘एक्टर’ मार्फत नेपाली चलचित्र क्षेत्रमा कमब्याक गर्न लागेका हुन्।
![](https://i0.wp.com/www.mnmnepal.com/wp-content/uploads/2024/06/Raj-Ballav-Koirala4.jpg?resize=720%2C540&quality=100&strip=all&ssl=1)
यो चलचित्रको सुटीङ्गका लागी नेपाल आएका छन् । आइतबार बिहान काठमाडौं आइपुगेका कोईरालालाई चलचित्रको टिमले स्वागत गरेको छ। निर्माता थमन कुमार भण्डारी, निर्देशक राजन भुषालको साथमा कलाकार प्रदिप खड्का , आना शर्मा , दिव्या रायमाझीले कोईरालालाई स्वागत गरेका थिए। तिहार अवसर पारेर कात्तिक १५ गते (लक्ष्मीपूजा) देखि चलचित्र प्रदर्शनमा आउन लागेको छ । चलचित्रको पहिलो चरणको छायांकन पोखरामा भइसकेको छ । अदृत फिल्म्स र मोती फिल्मस्को संयुक्त प्रस्तुति रहेको चलचित्रमा दिव्यदेव, सुशील सिटौला लगायतको पनि अभिनय रहनेछ ।