‘फर्की फर्की’ हेरेर निश्चल लेख्छन्- ‘अनमोलको अहिलेसम्मकै उत्कृष्ट अभिनय’

अनमोल केसीको चलचित्र ‘फर्की फर्की’ लाई लिएर उत्साह र कौतुहलता दुवै रहेको छ। सधै चर्चामा रहने अनमोलको १० औ चलचित्र उनका लागी पनि बिशेष रहेको छ। पछिल्लो समय अनेक उतारचढाव भोगिरहेका अनमोललाई यो चलचित्र मात्र आफुलाई पुन प्रुफ गर्नुपर्ने दवाव समेत रहेको छ। सुयोग गुरुङको निर्देशनमा तयार भएको टाइम लुपमा आधारित चलचित्र हेरेर निर्देशक निश्चल बस्नेतले खुलेर प्रसंसा गरेका छन्।

निश्चल चलचित्रको मामिलामा निकै सचेत भएर बोल्ने निर्देशकको रुपमा परिचित रहेका छन् । सोहि कारण पनि उनको यो प्रतिक्रियाले बिशेष अर्थ बोक्ने छ । उनले चलचित्र हेरेरे अनमोल केसीको अहिलेसम्मको बेष्ट अभिनय भएर तारिफ गरेका छन्।

उनी लेख्छन्- फर्की फर्की हेरियो । मज्जा आयो फिल्म हेरेर । रमाइलो टाइम लुप । सुयोग गुरुङ, कडा छ निर्देशन । नरेन्द्र मैनाली, सिनेम्याटोग्राफी बबाल छ । अनमोलको अहिलेसम्मकै उत्कृष्ट अभिनय । रोहित अधिकारी बोरा छ नि पैसा राख्नलाई ।’