‘अगत्स्य’ लाई लिएर उत्साहित नाजिर र मलिका
अभिनेता नाजिर हुसेन ५ बर्ष पछि सिल्भर स्क्रिनमा देखिदैछन्। अभिनेत्री मलिका महत पनि केहि बर्षपछि पर्दामा देखिने तयारीमा रहेकी छिन्। दुवैले अभिनय गरेको चलचित्र ‘अगस्त्य’ फागुन १८ गतेबाट रिलिज हुदैछ। एक्सन ड्रामा चलचित्रको पोष्टर र टिजरले दर्शकमा कौतुहलता थप्दै गएको छ। सौरभ चौधरीले निर्देशन गरेको यो चलचित्रलाई लिएर नाजिर उत्साहित रहेका छन्।
![](https://i0.wp.com/www.mnmnepal.com/wp-content/uploads/2024/02/Najir-Husan-and-Malika-Mahat.jpg?resize=720%2C476&quality=100&strip=all&ssl=1)
५ बर्षपछि दर्शकलाई भेट्न शिल्भर स्क्रिनमा आउंदा उत्साहित रहेको नाजिर बताउछन्। यो चलचित्रका लागी उनले आफ्नो २० केजी तौल बढाएका थिए। जिममा वर्कआउट देखि आफुलाई मेन्टेन गर्न नाजिरले मिहेनत गरेका थिए । आफ्नो पात्रका लागी उनले गर्ने मिहेनत त सबैलाई थाह छदैछ।
मलिका पनि यो चलचित्रलाई लिएर उत्साहित रहेकी छिन्। मल्टिस्टारर चलचित्रमा उनि सोलो हिरोईनको रुपमा रहेकी छिन्। यो चलचित्र कमर्सियल रुपमा सफल भएमा उनको करियरलाई निकै फाइदा पुग्नेछ।