‘महापुरुष’ को कमाई उत्साहजनक, दोश्रो साता पनि दर्शकको साथ
कार्तिक ११ गतेबाट रिलिज भएको चलचित्र ‘महापुरुष’ ले रिलिजको दोश्रो सातामा पनि कमाईको उछाल कायम राखेको छ। पहिलो हप्तामा ४ करोड ५० लाख बराबरको ग्रस निर्माण टिमले गरेको थियो। दोश्रो हप्तामा पनि चलचित्रलाई दर्शकले राम्रो साथ दिएका छन्।
![](https://i0.wp.com/www.mnmnepal.com/wp-content/uploads/2022/11/311595802_10218530194085504_2660793541461608004_n.jpg?resize=720%2C540&quality=100&strip=all&ssl=1)
दोश्रो हप्ताको शनिबार पनि दर्शकले हाउसफुल साथ दिएका छन्। मोफसलको भ्रमण सकेर चलचित्रको टिम शनिबार दर्शक भेट्न राजधानीका हलमा पुगेको थियो। चलचित्रको कमाई ५ करोड माथिको ग्रस पुगेको निर्माण टिमले जानकारी दिएको छ। प्रदिप भट्टराई निर्देशित चलचित्रमा हरिवंश आचार्य, मदनकृष्ण श्रेष्ठ, राजाराम पौडेल, गौरी मल्ल, अरुण क्षेत्री, अञ्जना बराइली लगायतका कलाकारको अभिनय रहेको छ।